足球推荐网为广大球迷朋友们提供该场赛事的指数分析、实力对比、赛事预测等信息。找全方位的足球信息服务，上足球推荐网！
另外2支英超代表李斯特城及熱刺今晚分途出擊。現排G組榜首嘅李斯特城作客葡超球隊布拉加，「狐狸」雖然多以副選出戰歐霸盃，不過論實力依然超班，伊恩拿祖、辛基斯安達及馬克艾拜頓每次落場都有好表現，加上今場再贏的話就提早出線，作客肯定照搶。
布拉加上輪作客李城雖淨吞4蛋，但佢哋近10場歐霸主場只輸過1次，其餘9場6勝3和，包括上屆分組賽3比3踢和狼隊，有本錢同李城鬥攻，睇番布拉加近10場歐霸9次總入球開3球或以上，今場捧2.5球大盤穩陣。（Now 644及有線603台周五凌晨1時55分直播）
盧多格德斯識入波
至於J組馬會暫未受注賽事，英超1哥熱刺主場迎戰保加利亞球隊盧多格德斯。熱刺近7仗贏6場士氣如虹，目前同寧斯及安特衞普一樣有6分，出線未穩陣，今晚對住分組賽全敗嘅盧多格德斯不勝無歸。王牌哈利卡尼上場歐霸正選上陣兼入波，就算副選如卡路士雲尼斯奧斯、貝雲積等亦夠晒卡士。盧多格德斯雖然3戰全敗，但場場有入波，總入球全開3球或以上，唔係一味死守，今場一樣等睇入球騷啦。（myTV Gold 303、Now 643、有線656及616台周五凌晨4時直播）
