高普講明作客踢爭氣波
英超周六晚早場有大戰上演，水晶宮主場迎戰當旺嘅利物浦。「紅軍」今季作客成績唔好，不過今場係反彈大好時機，事關利物浦近年踢法剋制水晶宮，主隊唯一板斧穩守突擊，以往對住利物浦根本無用武之地，而且水晶宮主場表現比起作客失色，今場博利物浦可以打破作客不勝走勢，讓一球捧上盤。（Now 621及611周六晚8時30分直播）
利物浦今季衞冕之路面對激烈競爭，熱刺、車路士等都展示出爭標實力，因此「紅軍」每場都不容有失。好彩利物浦周中喺主場憑羅拔圖法明奴臨完場頭槌絕殺，以2比1擊敗熱刺，並以3分優勢反超對方升上榜首，士氣高昂。雖然「紅軍」近5場聯賽作客4和1負，不過領隊高普已講明要正視作客不濟嘅問題，咁有決心，相信今場會踢番場爭氣波。
水晶宮反擊冇晒符
「紅軍」目前仍有華基爾雲迪積克、祖高美斯等後防傷兵，但前線穆罕默德沙拿、沙迪奧文尼同羅拔圖法明奴組成嘅超班鋒線，仍然足以撕破任何對手防線。面對水晶宮最擅長嘅快速反擊踢法，利物浦球員利用高強度逼搶，以及速度唔弱嘅後場球員施壓，往往能夠將對手嘅進攻化解，因此兩隊過去6次交鋒，全部由利物浦贏出，包括對上3季造訪水晶宮主場，「紅軍」都能夠全取3分。
水晶宮以韋費特沙夏為首打反擊戰，不過佢哋作客發揮更勝主場，包括上場作客1比1賽和韋斯咸成功搶分。水晶宮今季5場勝仗入面，有3場都喺作客情況下攞到，況且箭頭賓迪基今場要停賽無緣倒戈，主場對「剋星」利物浦恐怕凶多吉少。
足球推荐网为广大球迷朋友们提供该场赛事的基本面解读、近期战况、综合分析、赛事推荐等信息。找全方位的足球信息服务，上足球推荐网！
