足球推荐网为广大球迷朋友们提供该场赛事的专家分析、双方形势、足球推荐网早盘心水等信息。找全方位的足球信息服务，上足球推荐网！
法甲重開有好戲！
法甲今晚重開，馬會暫時未開盤，今輪焦點必定落喺聖伊天主場迎戰巴黎聖日耳門（PSG）一戰，皆因PSG有新帥普捷天奴首度領軍，「肥普」賽前講明唔單止要贏，仲要贏得有風格；聖伊天近5次交手全部輸晒，當中4次上半場已落後，實力明顯有距離，今場凶多吉少。
（周四凌晨4時開賽）
法甲喺聖誕、新年期間最矚目嘅新聞當然係PSG換帥，上季帶領球隊成為國內3冠王、兼且歷史性殺入歐聯決賽嘅德國教頭杜曹被炒，改由前熱刺主帥普捷天奴接手，呢位阿根廷籍教頭喺球員時代曾效力PSG兼做過隊長，對法甲絕不陌生，而且隊中仲有莫路伊卡迪、迪馬利亞及里安度柏利迪斯等同鄉球員，相信普帥好快可以適應新環境。
贏波之餘要踢出風格
普捷天奴執教生涯從未贏過正式錦標，最叻都係帶領熱刺攞過歐聯及英聯盃亞軍，以目前PSG人腳相信可以幫佢擺脫「錦標荒」，不過「肥普」似乎知道冠軍並唔能夠完全滿足球會高層，佢喺接受傳媒訪問時提到，自己唔單止要幫球隊贏波，仲要踢出自己風格，呢點係佢回歸PSG嘅最大目標，佢亦刻意淡化球員轉會傳聞，講明未來會同主力尼馬、基利安麥巴比等打好關係，以防出現「一朝天子一朝臣」嘅錯覺，影響球隊士氣，今晚首度出征更加唔衰得。
聖伊天依家位處聯賽榜中下游位置，近14場聯賽僅得1勝，狀態信唔過，加上佢哋近5次交手輸晒，而且僅入1粒喪失16球，今番再遇PSG，睇怕都阻唔到普捷天奴贏波攞威。
