足球推荐网为广大球迷朋友们提供该场赛事的数据分析、历史战绩、赛事推荐等信息。找全方位的足球信息服务，上足球推荐网！
烏克蘭防線穿窿行衰運
歐國聯A4組賽事，德國主場迎戰烏克蘭。「日耳曼兵團」上仗熱身賽大輪換，迪姆華拿、基拿比及卻奧斯等主力都冇踢，以逸待勞備戰今仗，烏克蘭連戰連敗堅頹之餘，近年又畀德國食住，讓1.5/2球照捧上盤。
（香港國際財經台76及有線603台周日凌晨3時45分直播）
格食格難破宿命
德國日前熱身賽對捷克，主帥勒夫事先張揚話會收起紐亞、基拿比、哥列斯卡、利萊辛尼、卻奧斯及迪姆華拿等主力，只派副選同新仔出戰，最終憑新入選嘅菲臘麥斯妙傳禾特舒密特一箭定江山，小勝1比0，賽後更有莊拿斯荷夫曼、尼高舒侯斯同魯賓高辛斯傷出，可見喺呢類國際賽期，識得避重就輕好重要，既能考察二線兵嘅表現，例如第2次為國披甲嘅中場科利安尼奧侯斯堅搶鏡，亦可畀一眾主力抖到夠，喺今仗歐國聯嘅正式比賽先搏殺。
烏克蘭真係行緊衰運，上次國際賽期爆出「薩克達群組」，多名主力缺陣下係咁輸，日前同波蘭拍跳亦淨吞兩蛋，初段仲有耶莫蘭高射失12碼，成為輸波關鍵，查實烏克蘭近5仗4度敗陣，兼狂失15粒，黑到冇朋友。烏軍主帥舒夫真高雖然係一代神鋒，但無論做球員定出任領隊，成日畀德國剋住，睇番兩軍近4次碰頭，烏克蘭只得1和3負，包括2001年11月世盃附次回合作客德國慘敗1比4，無緣征戰韓日世盃決賽周，當時「軍刀」正係主力前鋒，而上月歐國聯交手主場輸1比2，作為主帥嘅「軍刀」亦冇晒計。
A4組形勢緊湊，德國依家與烏克蘭同分，落後1哥西班牙1分，今仗若果德國贏波，唔單止使烏克蘭晉級無望，亦令德國喺尾場作客西班牙成為爭取出線嘅生死戰，挾格食格之勢可再下一城。
