足球推荐网为广大球迷朋友们提供该场赛事的专家分析、双方形势、足球推荐网早盘心水等信息。找全方位的足球信息服务，上足球推荐网！
奪標在望睇定食
日職前列大戰，榜首嘅川崎前鋒作客排第6嘅鹿島鹿角。川崎前鋒今季奪冠只係時間問題，佢哋依家唔使同你急，雖然近11場豪取9勝，但唔係一開波就喪攻，近11戰半場全開1球或以下。鹿島鹿角主場出擊格外醒神，有力同前鋒周旋，推介1.5球半場細。
（有線662及602台周六下午4時直播）
今季川崎前鋒喺日職所向披靡，季初連贏10場，雖然中間出現過小低潮，但重回正軌後又豪取聯賽12連勝，喺積分榜大領放。然而，上輪對住下游分子北海道札幌岡薩多又忽然走樣，以0比2敗陣。
前鋒上仗輸波好大程度係同佢哋慢熱有關，連盃賽在內，最近11場9勝共射入23球，但當中只有8球喺上半場射入，全部半場總入球均少於2球，如果球隊下半場未能及時「撻着」，就會好似上輪咁輸波。
鹿角遇強先穩守
鹿島鹿角上場大勝橫濱水手3比2，要進入前3、取得亞冠盃資格仍然有價講。鹿角主場表現謹慎，唔會急於進攻，近7場主場4勝1和2負，但有6次上半場竟然無法取得入球，呢7場有6次半場總入球開1球或以下，預計鹿角硬拚1哥前鋒都會先做好防守，今場上半場交收唔會多，捧半場細啱數。
