足球推荐网为广大球迷朋友们提供该场赛事的专家分析、双方形势、足球推荐网早盘心水等信息。找全方位的足球信息服务，上足球推荐网！
周六下畫日職早場，廣島三箭主場鬥FC橫濱。FC橫濱作客唔掂，近9場輸咗7場，當中近4場聯賽1和3負共失7球，防守經常出現漏洞，而且球隊今季2次對廣島三箭均輸波，今場難有爆冷機會，主勝穩陣。
（周六下午1時開賽）
FC橫濱最具名氣當然係53歲「長青樹」三浦知良，不過今季踢起咗幾個後生仔，質素唔錯，特別係中前線不乏人材，當中一美和成已經獨當一面，上場主場後備入替奠勝嘅「千禧後」小將安永玲央亦屬可造之材。不過，上述幾位新星作戰經驗未足，而且都係中前場球員，FC橫濱攻守失衡嚴重，今季聯賽27場只有4場保持不失，球隊似乎未能解決防線問題。
近3場客戰食白果
除此之外，FC橫濱作客成績亦非常唔掂，近4戰只得1和3負，近3場都入唔到波，雖然球隊曾於9月底贏過浦和紅鑽，但其實再之前4場作客輸晒，離開主場變得不堪一擊，累積近9場作客輸7場，今場作客廣島三箭難以看好。
廣島三箭傷兵唔多，近16場聯賽亦只輸過4場，所輸畀嘅對手只係現時排前6嘅球隊，表現正氣。再者，三箭今季喺聯賽及盃賽2次作客FC橫濱均贏2比0，今場主場出擊贏波係基本要求。
