足球推荐网为广大球迷朋友们提供该场赛事的专家分析、双方形势、足球推荐网早盘心水等信息。找全方位的足球信息服务，上足球推荐网！
國米睇準先搏「薩」吼半和
另一場「死亡B組」關鍵戰，國際米蘭主場硬撼薩克達。國米上場開齋重燃出線希望，首要條件係今場一定要贏，不過2哥薩克達兩挫皇馬唔講得笑，表現實而不華，佢哋喺歐聯對親意甲球隊都先求穩陣，半場和值得捧場。（Now 644、有線661及601台周四凌晨4時直播）
B組出線形勢相當微妙，雖然國米目前排緊包尾，但隨住上輪盧卡古梅開二度，作客以3比2擊敗1哥慕遜加柏後，依家同慕軍只係相差3分，若果今場贏波，而另一邊皇馬對慕遜加柏能分出勝負，國米就可以晉級，戰意唔使懷疑。不過佢哋今屆5場歐聯失9球，刑滿嘅中場悍將維達爾又咁啱受傷，另一工兵尼高路巴列拿亦因傷上陣成疑，雖然一定要贏，但為免早段失波打沉士氣，預計主帥干地會更加小心，首先加強防守謀定而後動。
薩克達鬥意甲兵穩陣行先
烏克蘭球隊薩克達依家與皇馬同得7分，憑對賽較佳位居次席，絕非善男信女，薩克達今場只要贏波，就唔使理皇馬對慕遜加柏嘅賽果，肯定進身16強，假如皇馬打和慕遜加柏嘅話，薩軍和波亦夠出線。翻查紀錄，呢支烏克蘭勁旅唔單止今屆雙殺皇馬，近6次歐聯面對意甲球隊亦獲2勝1和3負，其中5次開半場和，包括今屆首循環同國米互交白卷，可見每逢鬥意甲兵以穩陣行先。加上今場生死關頭，兩邊都唔敢輕舉妄動，半場和不妨追多次。
