足球推荐网为广大球迷朋友们提供该场赛事的专家分析、双方形势、足球推荐网早盘心水等信息。找全方位的足球信息服务，上足球推荐网！
周中開快車最緊要穩陣
本周中唔少歐洲聯賽都「開快車」，其中西甲就有皇家馬德里喺迪史提芬奴球場迎戰畢爾包。皇馬近期表現翻生，好大程度在於防守演出大幅改善，老將沙治奧拉莫斯嘅復出尤其重要，雖然進攻火力已不復當年，但以防守為先正正係「銀河艦隊」上季捧盃關鍵，今場相信會照樣穩中求勝，2.5球嘅入球細值得捧場。（Now 632及611周三清晨5時直播）
皇家馬德里喺11月陷入低谷，聯賽失分兼喺歐聯瀕臨出局，令教練施丹帥位一度岌岌可危，隊長中堅沙治奧拉莫斯受傷成為最致命原因，不過呢位老將最近兩場復出均協助球隊保持清白之身，皇馬連贏西維爾、慕遜加柏及同馬德里體育會都不失1球，可見球隊嘅回勇完全建基於可靠防守上面。
事實上，皇家馬德里上季能夠重奪西甲冠軍，所靠嘅就係38場只失25球嘅硬淨防守，「銀河艦隊」喺夏薩特同馬田奧迪加特缺陣下，進攻力並非特別凌厲，好多時都係靠賓施馬單天保至尊，因此施丹今場多數會選擇穩中求勝。皇馬近7場比賽，有6場總入球為2球或以下，今場入球數字會偏低。
畢爾包近5場作客聯賽不勝
作客嘅畢爾包近5場聯賽作客只有2和3負成績，包括對上兩仗被基達菲同華倫西亞逼和，而且5場不勝當中從未輸多過1球，可見畢爾包作客亦非不堪一擊，今場造訪迪史提芬奴球場肯定會屯重兵防守求搶分，皇家馬德里要入波有一定難度，捧入球細好路。
