足球推荐网为广大球迷朋友们提供该场赛事的专家分析、双方形势、足球推荐网早盘心水等信息。找全方位的足球信息服务，上足球推荐网！
基奧特回勇鋒線着火
英超開快車，第1場就有聯賽錦標爭逐分子車路士作客狼隊！自從箭頭魯爾占美尼斯受傷後，狼隊攻力弱上加弱，今場仲有摩天奴停賽，連轉守為攻嘅摩打都冇埋，反觀「車仔」中前場人才鼎盛，老將基奧特近期狀態回勇，今造訪「私房菜」狼隊，車路士1.56倍客勝熱得有道理。（Now 621周三凌晨2時直播）
今季英超爭持激烈，雖然「車仔」上仗作客0比1不敵愛華頓，但利物浦同熱刺亦齊齊和波失分，車路士冇畀對手拉開太大積分距離，現時只落後榜首雙雄3分，以佢哋雄厚嘅兵源，打長途戰有着數。
「藍戰士」雖有薛耶治及赫臣奧杜爾受傷，但基斯甸普列錫及夏維斯已經復出，中鋒譚美阿巴謙同基奧特輪流踢正中鋒都搵到食，其中季初受冷落嘅基奧特近期狀態大勇，上場鬥愛華頓，「銀河唯一」以正選姿態登場雖然食白果，不過「車仔」落後下換入譚美阿巴謙踢雙塔陣，搶番唔少攻勢，未能扳平只係欠運。翻查紀錄，車路士近8次對狼隊，豪取6勝1和1負，由於上場不敵愛華頓，預計由林柏特領軍嘅車路士知恥近乎勇，今場造訪「私房菜」狼隊，絕對係反彈好時機。
狼隊一向主打穩守突擊，防守刻意縮後求穩，配合艾達馬查奧爾及魯爾占美尼斯打快速反擊，近兩季都非常成功。不過前線過於倚賴魯爾占美尼斯數胡亦係問題所在，呢名墨西哥射手今季聯賽只入4球，腳風已經唔多順，早前鬥阿仙奴頭部重創，需要養傷到下年，頂替佢位置嘅法比奧施華明顯未適應，未能取得奇兵效果。
艾達馬查奧爾有勇無謀
「大隻佬」艾達馬查奧爾得個「勇」字，聯賽仲未開齋，原本已經唔太銳利嘅狼隊鋒線，入球數字再向下，而且上場連阿士東維拉都守唔住，畀對方絕殺，狼隊近5場贏得1場咁大把唔係冇原因，今場仲有中場摩天奴坐波監，就算有地利亦難樂觀，車仔熱Ｗ趁早買。
