足球推荐网为广大球迷朋友们提供该场赛事的专家分析、双方形势、足球推荐网早盘心水等信息。找全方位的足球信息服务，上足球推荐网！
今晚另一場意甲重頭戲，拉素主場迎戰「紫百合」費倫天拿。拉素箭頭恩莫比尼持續勇態，相反費倫今非昔比之餘，近3次作客拉素更錄全敗劣績，今場預計都係凶多吉少，熱捧主勝。
（myTV Gold 302、Now 639、有線615及655台周三晚10時直播）
拉素今季聯賽戰績雖然不及上季，不過依家仍排聯賽榜第9位，加上成功殺入歐聯16強，對呢支板櫈深度一般嘅首都球隊嚟講，已經算係唔錯成績。上季歐洲金靴獎得主兼意甲神射手恩莫比尼保持水準，即使一度因為確診新冠肺炎缺陣，但13次聯賽上陣轟入10球，效率奇高，絕對係拉素入波保證。另外，中場線由路爾斯阿拔圖發動組織，不時作出致命傳送，亦令拉素進攻戰術上更加立體，今次主場出擊，勝算當然更高。
「紫百合」攻力唔掂
另一邊廂，費倫天拿歇冬前雖曾爆大冷3比0擊敗祖雲達斯，但要留意「紫百合」該仗佔大部分時間多踢1人，計埋上場主場只能同博洛尼亞打和0比0，近10場聯賽只得1勝5和4負，合共只入6球，表現差強人意，尤其係季初賣走費達歷高基艾沙後，老將列貝利顯得獨力難支，就算有柏蘭迪利回巢執教，巧婦難為無米之炊，相信幫助亦不大。睇埋對賽往績，雙方近6次碰頭，拉素錄得5勝1和，其中近4次交手恩莫比尼都有士哥，稱得上係「紫百合」剋星，今場捧主勝冇甩拖。
