足球推荐网为广大球迷朋友们提供该场赛事的专家分析、双方形势、足球推荐网早盘心水等信息。找全方位的足球信息服务，上足球推荐网！
為入決賽穩中求勝
今晚深夜英聯盃4強上演曼市打吡，由曼聯主場硬撼衞冕嘅曼城。曼聯箭頭卡雲尼因種族歧視被罰停賽，令進攻少一瓣變化；曼城受疫情入侵，陣容不整，球隊亦轉風格更注重防守。由於今季英超極之激烈，被視為「保溫盃」嘅英聯盃變得重要，兩隊為殺入決賽必穩中求勝，2.5球入球細可取。
（周四凌晨3時45分開賽）
兩軍連續兩屆於英聯盃4強狹路相逢，上屆曼聯成為落敗一方，連同英足盃同歐霸盃，蘇斯克查上季3項盃賽都4強止步，今屆當然想再進一步。適逢今屆英聯盃改制，4強改以1場定勝負，取代以往嘅主客兩回合制，勢必令雙方更為謹慎。
「紅魔鬼」近況大勇，近6場獲5勝1和，包括上圈8強淨勝愛華頓2比0，但經過聖誕新年快車後，眾將難免有疲態，而且老將卡雲尼因喺社交媒體發布疑似種族歧視字眼，被罰停賽3場，冇咗呢名勤力又能夠帶動士氣嘅球員做調配，點都對「蘇B」嘅進攻調動有一定影響。
曼城近期着重防守
曼城受到新冠肺炎疫情打擊，三線常規主力大受影響，門將艾達臣摩拉斯、後衞基爾獲加、艾利加西亞、中場費倫托利斯及前鋒加比爾捷西斯輪流中招因而缺陣，阿古路又飽受斷斷續續嘅傷患困擾狀態一般，上場聯賽贏到車路士3比1，全因對方崩潰自爆。領隊哥迪奧拿近期明顯更着重防守，成績亦見好轉，連同盃賽在內，「藍月亮」近14場本土賽事，取得8勝5和1負僅失8球，當中11場開2球或以下。由於距離決賽只差一關，兩軍為免有所閃失，相信會踢得更保守，加上近3次碰頭全部開細，推介2.5球入球細。
