足球推荐网为广大球迷朋友们提供该场赛事的专家分析、双方形势、足球推荐网早盘心水等信息。找全方位的足球信息服务，上足球推荐网！
今晚西甲補賽，畢爾包主場迎戰巴塞隆拿。巴塞上仗險勝榜尾嘅侯爾斯卡，重返西甲前5，不過中場菲臘比古天奴因傷長抖，令隊長美斯孤立無援，畢爾包陣前易帥，由馬些連奴接掌球隊，隨時有「新帥效應」，佢哋近年防守「地上最強」甚有心得，中位數2.5球嘅入球細乃不二之選。
（Now 632周四凌晨4時直播）
對巴塞旺入球細
巴塞嘅「美斯倚賴症」已持續多年，當球王被盯死時，巴塞進攻就冇料到，2020年佢哋經歷內亂及動蕩，美斯無法進入無敵狀態，巴塞喺各項賽事共入99球，為近16年新低。主帥朗奴高文刻意重用菲臘比古天奴，希望分擔美斯組織重任，可惜呢位巴西國腳對伊巴時左膝半月板受傷，至少養傷2個月，基沙文又未見起色，連同早前重創長抖嘅安素法迪，令身兼多職嘅美斯更加吃力。巴塞另一死穴就係客場，今季7場聯賽作客僅3勝，冇把握實贏。
畢爾包一向靠主場搵食，近7次聯賽於地頭出擊，取得5勝2負，包括上仗主場1比0小勝艾爾切。不過自老將阿度里斯退役後，「巴斯克雄獅」欠缺一名具把握力嘅射手擔大旗，難怪今季17場聯賽僅入19球，因此面對「地上最強」肯定會先求穩守。加上球隊賽前一日宣布易帥，原教頭加列坦奴落台，由西甲名帥馬些連奴接掌教鞭，今仗首度領軍就遇正巴塞，即管睇吓呢位55歲西甲老江湖有咩招數。翻查紀錄，雙方近7次交手，畢爾包僅3敗不落下風，而且全開2球或以下，可見其防守巴塞確有一手，今場一於向2.5球入球細埋手。
