足球推荐网为广大球迷朋友们提供该场赛事的专家分析、双方形势、足球推荐网早盘心水等信息。找全方位的足球信息服务，上足球推荐网！
C朗領軍挑戰紅黑霸權
今晚意甲快車尾場，1哥AC米蘭主場大戰祖雲達斯。AC雖有射手伊巴謙莫域上陣成疑，但主帥皮奧利偏重進攻嘅打法，係「紅黑兵團」成績飆升嘅關鍵，祖記為搶分亦不容再失，王牌C朗士哥停不了，今場係鬥攻格局，必捧2.5球嘅入球大。
（myTV Gold 301、Now 638、有線602、614、654及662台周四凌晨3時45分直播）
AC今季全面翻生，神鋒伊巴謙莫域居功至偉，佢唔單止係戰術核心，散發出捨我其誰嘅霸氣，亦令隊友重拾信心。雖然伊巴仍有傷在身，未必能夠趕及披甲，但主帥皮奧利嘅進取風格從未改變，列比錫傷愈復出可謂及時雨，拉菲爾利亞奧之前更打破意甲最快入球紀錄，連同查漢奴古，以及已有5球進帳嘅基斯爾後上支援，令AC有更多進攻板斧。喺伊巴缺陣下，「紅黑兵團」近7場聯賽亦取得5勝2和，包括上仗有「新派路」辛度東拿利領紅牌被逐，打少個之下仍以2比0擊敗賓尼雲圖，戰力未減。
爭前4強攻冇保留
已連續9季意甲封王嘅祖記，今季改由經驗尚淺嘅派路執教，表現略見飄忽，曾失分畀克羅托內、賓尼雲圖等弱旅，導致聯賽積分遠遠落後AC，淪為5哥，莫講話爭標，依家甚至爭前4亦唔容易，因此今場實在不容有失。不過「斑馬兵團」火力依然強勁，王牌C朗上仗贏烏甸尼斯4比1又省兩粒，以14球位居射手榜榜首，亦令佢職業生涯累積758球，超越比利榮登史上第2「士哥王」，點知呢位巴西球王突然「搬龍門」，喺IG改咗自己轟入1,283球，令C朗空歡喜一場，今仗必定火力全開爭士哥。
AC依家畀聯賽排名第2嘅國米追到氣咳，必要力爭3分，佢哋近13場聯賽，有11次開3球或以上，單計主場近6場聯賽亦5次至少開總入球3球，捧中位數2.5球嘅大盤最明智。
