足球推荐网为广大球迷朋友们提供该场赛事的数据分析、历史战绩、赛事推荐等信息。找全方位的足球信息服务，上足球推荐网！
朗尼倒戈惡唔出樣
朗尼倒戈再戰紅魔！英格蘭足總盃16強矚目戰，英冠打比郡主場越級挑戰曼聯，由美職回歸英格蘭嘅朗尼再遇舊主，只係「綿羊」打比郡目前實力同狀態都好一般，難敵有咗波基斯費南迪斯後升呢嘅曼聯，目前嘅紅魔對盃賽特別上心，作客讓得起1球、球半，黑柴撐上盤。（周五凌晨3時45分開賽）
朗尼年初加盟打比郡，擔任助教兼隊長，移後一格踢中場效果唔錯，加盟初期球隊成績亦有所攀升，但踏入2月中後連續4場聯賽未贏過，直至上仗對錫周三至重響勝鼓，至於英足盃上圈對住英乙嘅諾咸頓都要踢到重賽至過關，表現認真麻麻。
34歲嘅朗尼仍然保持曼聯史上射手王紀錄（253球），佢話自己仲深愛曼聯，想曼聯贏波同捧盃，但今場就當然例外，會全力以赴力爭晉級。不過朗尼倒戈對曼聯都唔係第1次，記得2017年佢效力愛華頓亦曾兩遇曼聯，但結果係兩場輸晒之餘仲共吞6蛋。
紅魔英足盃恰慣低組別
曼聯人腳唔齊，保羅普巴、拉舒福特仲養緊傷，安東尼馬迪爾亦有傷，不過新加盟嘅葡萄牙中場波基斯費南迪斯堅交到貨，幫助曼聯近8場取得5勝3和保持不敗，而且「波費」最近3場都有波入，真係一個救全家。何況曼聯近5次英足盃對非英超球隊，全部都贏兩球或以上，上圈大炒燦美爾6球，上周中歐聯亦數布魯日5蛋，可見佢哋盃賽遇弱絕不留手，今晚隨時又興奮到瞓唔着，同大家一齊數「綿羊」！
