足球推荐网为广大球迷朋友们提供该场赛事的数据分析、历史战绩、赛事推荐等信息。找全方位的足球信息服务，上足球推荐网！
薩爾斯堡細盤有體頭
歐聯A組煞科戰，薩爾斯堡主場鬥馬德里體育會；馬體會今場只要保持不敗就可以次名躋身16強，考慮到馬體會近5場有4次保持清白之身，5場總入球全開2球或以下，加上有打吡戰後顧，今場專心做防守好正路，首選2.5球入球細。（Now 645及有線603台周四凌晨4時直播）
A組目前形勢，5戰13分嘅拜仁慕尼黑已穩奪小組首名，馬體會以6分排第2，領先薩爾斯堡2分，馬體會今仗只要和波就可取得另一個出線席位。佢哋頭5輪分組賽雖然失8球，但其中5球係兩循環鬥拜仁所失，睇番佢哋今季10場西甲僅失2球，防守功架依然十足。馬體會本周末聯賽將會作客同市宿敵皇馬，為咗留力，相信今場唔會過分急攻。
馬體會防守重拾高水平
奧地利球隊薩爾斯堡今屆5輪分組賽場場有波入，合共轟入10球，火力查實唔曳。雖然佢哋首循環作客馬體會僅負2比3，不過馬體會近5場有4次保持0失球，防守已經踢番以往嘅高水平，薩爾斯堡今仗想破關非易事，既然馬體會上述5場比賽總入球全開2球或以下，今場捧細最好路。
