足球推荐网为广大球迷朋友们提供该场赛事的数据分析、历史战绩、赛事推荐等信息。找全方位的足球信息服务，上足球推荐网！
拖肥迎曼城
另一場英超重頭戲，剛上升聯賽榜第2位嘅愛華頓主場火併「藍月亮」曼城。兩軍近期狀態同樣不俗，高手過招相信會踢得格外小心，尤其曼城近5場聯賽有4場冇失波，總入球全開2球或以下，今場捧2.5球細好路。
（Now 621周二凌晨4時直播）
「藍月亮」近期防線對辦
愛華頓昨晨憑中場基菲爾施古臣喺80分鐘入波，作客以1比0絕殺榜尾錫菲聯，聯賽4連勝。未計尋晚成績，「拖肥」目前只比榜首利物浦少兩分，不過佢哋今場續有占士洛迪古斯、李察利臣、阿倫盧利奧及盧卡斯迪治尼等主力缺陣，睇番上場對錫菲聯，「拖肥」控球時間雖然較多，但實際具威脅埋門唔多，射手卡維特利雲近6場聯賽僅入1球，發揮明顯唔及季初銳利，今晚對住級數更高嘅曼城，應會先做好防守。
曼城昨晨喺主場出擊2比0輕取紐卡素，聯賽榜升至第5位，重返爭標行列；英格蘭國腳史達寧雖然冇波入，但先開紀錄一球係由佢個人扭入禁區右路，冷靜傳交根度簡射入，盡顯級數。史達寧今季已有6次助攻，喺哥迪奧拿執教下，累積96個入波及54次助攻，成為哥帥入「城」以來首席進攻王，加上加比爾捷西斯確診缺陣、阿古路傷愈狀態未弗，史達寧表現更為關鍵。「藍月亮」近期後防演出對辦，近5場聯賽有4場保持清白身，總入球全開2球或以下，今場捧細啱數。
