足球推荐网为广大球迷朋友们提供该场赛事的数据分析、历史战绩、赛事推荐等信息。找全方位的足球信息服务，上足球推荐网！
歐洲區H組賽事，斯洛伐克主場迎戰俄羅斯，斯洛伐克今非昔比，上仗對弱隊都失兩粒，防守堅不穩，俄羅斯隊長迪斯尤巴搵番射門鞋，客場出擊例搶攻，2.5球入球大更可取。（有線662及602台周三凌晨2時45分直播）
斯洛伐克近年表現每況愈下，雖然藉附加賽殺入今夏歐國盃決賽周，但近10仗於法定時間，只得1勝5和4負，只得3仗冇失波，單計今屆世盃外頭兩輪，對住弱旅塞浦路斯同馬爾他全部打和，其中上仗主場對馬爾他竟先失兩粒，幾經辛苦喺下半場追和2比2，面對弱旅都要出盡九牛二虎之力先搶番1分，見到都唔開胃，何況隊長咸錫今次因傷冇入選，實力弱上加弱。
迪斯尤巴重拾射門鞋
早前一度陷於低潮嘅俄羅斯，來到世盃外及時復甦，頭2輪取得全勝，包括上仗以2比1擊敗硬淨到暈嘅斯洛文尼亞，隊長迪斯尤巴呢兩仗省3粒，腳風轉順，並有傷愈復出嘅高路雲（圖）支援，陣容復整之下，攻力有保證。查實「北極熊」客場出擊絕不龜縮，連同歐國聯在內，近10仗作客共轟25球，不過只得4仗冇失波，其中9仗開3球或以上，打法進取，預計今仗都係以攻代守，大盤有計。
