榜首生死戰唔和得
日職周六爆發榜首大戰，由排第2位嘅大阪櫻花主場迎戰川崎前鋒。今仗雖屬頭1、2位之爭，但實際上前鋒領先對手11分，可謂完全冇壓力，當地評論都認為今仗係櫻花保持爭冠懸念嘅最後機會，如未能擊敗前鋒拉近差距的話，則只能俯首稱臣，既然櫻花焗攻，今仗隨時演變成入球騷，中位數3.5球嘅入球大好路。（香港開電視77台、有線661及601台周六下午2時直播）
前鋒開季至今順風順水，除了8月下旬作客名古屋鯨魚吞下本季唯一敗仗，其餘19仗取得17勝2和。佢哋最可怕之處係入球能力驚人，開季至今20仗攻入59球，平均每場攻入2.95球，防線失球亦最少，僅失18球，場均失球僅0.9球，各項數據都遠超日職其餘對手。
櫻花主帥：打和無意義
即使積分大幅拋離，前鋒並未放軟手腳繼續搶攻，呢波隊進攻點眾多，最煞食嘅係「One Touch Pass」，每每能夠撕破對方密集守防，中前場各個位置球員都有入球能力，暫時入球最多係日本老將小林悠，共射入11球，但係李安度達美奧、三笘薰甚至田中碧合共都貢獻咗21球，令對手防不勝防。
櫻花今季一直喺「第2集團」領先，但由於早前接連敗於鹿角及東京腳下，積分漸被前鋒拋離，櫻花今仗唯一目標就係贏波收窄距離，佢哋個主帥洛迪拿亦講得非常坦白：「同對手相差11分，和波根本毫無意義，我只會諗點樣贏波。」中場清武弘嗣近況唔錯，而且佢喺2017年回歸櫻花之後，36場有波入嘅比賽，球隊取得31勝5和保持不敗，佢同巴西射手般奴文迪斯、奧野博亮都係今場致勝關鍵。
雙方首循環碰頭，前鋒主場曾以5比2大破櫻花。再睇番近3場聯賽數據，川崎平均每場入2.33球失0.67球，櫻花就入1.33球失2球，主隊防守未見改善，今仗再遇難免會出現大比數結果。
足球推荐网为广大球迷朋友们提供该场赛事的基本面解读、近期战况、综合分析、赛事推荐等信息。找全方位的足球信息服务，上足球推荐网！
