今晚D組另一場比賽，阿特蘭大主場鬥米迪蘭特。阿特蘭大上輪作客兩球淨勝利物浦，重燃出線希望，今場趁地利勢必更進取，佢哋向來攻強守弱，近3場歐聯主場總入球全開４球或以上；丹麥球隊米迪蘭特篤定出局，冇壓力下可望合演入球騷，首選中位數3.5球嘅大盤。（周三凌晨4時開賽）
米迪蘭特冇壓力鬥攻
呢組出線形勢緊湊，頭3隊只有2分差距，1輪賽事足以出現翻天覆地改變。阿特蘭大今輪遇上魚腩米迪蘭特，肯定搶攻力求3分。阿特蘭大首循環作客都大炒4比0，可見兩隊實力有明顯距離，今場有埋主場之利，隨時數多幾粒。不過佢哋防守麻麻，今屆歐聯2場主場合共失咗7球，就算聯賽主場對中下游球隊卡利亞里同森多利亞，都分別失2粒同3粒，想保住清白身唔係易事。
米迪蘭特今屆4場分組賽全敗，但近2輪對阿積士都有波入，加上篤定包尾出局，放低心理包袱下，可望踢得更開放，有利雙方製造入球，一於博入球大。
足球推荐网为广大球迷朋友们提供该场赛事的基本面解读、近期战况、综合分析、赛事推荐等信息。找全方位的足球信息服务，上足球推荐网！
