利物浦細打翻身仗_公司贴士_

鋒將跌Watt難炒般尼今晚英超快車尾場,衞冕嘅利物浦主場對般尼。「紅軍」利物浦陷入前所未有嘅入球荒,近3場聯賽全部食白果,以穆罕默德沙拿為首嘅「埃及文明」鋒線死晒火;般尼一向守強攻…


鋒將跌Watt難炒般尼
今晚英超快車尾場,衞冕嘅利物浦主場對般尼。「紅軍」利物浦陷入前所未有嘅入球荒,近3場聯賽全部食白果,以穆罕默德沙拿為首嘅「埃及文明」鋒線死晒火;般尼一向守強攻弱,慣性靠死守搶分,遇着近4場聯賽全開兩球或以下嘅利物浦,中位數2.5球入球細有分頭,值得捧場。

(Now 621周五凌晨4時直播)

利物浦喺上場聯賽「雙紅會」同死對頭曼聯互交白卷,連同之前0比1作客輸畀修咸頓、作客紐卡素踢成0比0、主場被西布朗逼和1比1,近4場聯賽未贏過,從榜首跌到落第4位。最嚴重問題,係「紅軍」連續3場聯賽都冇波入,陷入348分鐘入球荒;翻查紀錄,佢哋上次連續3場聯賽食白果,已經係2005年3月嘅事,非常罕見。

原本令列強聞風喪膽嘅「埃及文明」鋒線穆罕默德沙拿、沙迪奧文尼及羅拔圖法明奴,最近狀態真係沉到爆,近4場聯賽只有文尼曾射入1粒,之前弗爆嘅迪亞高祖達又未好番,好彩利物浦後防尚算穩健,近5場聯賽只失1粒,客串中堅法賓奴泰華利斯已成為定海神針,防線令人放心。

般尼攻力英超最弱
依家喺下游掙扎嘅般尼,攻力係全英超最弱,17場聯賽入得9粒咁大把,係今季英超唯一入波個位數球隊,仲衰過包尾嘅錫菲聯。有見及此,般尼惟有刻意擺鐵桶陣,務求不致多失,佢哋近8場聯賽7次開兩球或以下,其中3場更保持清白之身。自從門神尼克普比傷愈復出後,防線確係穩陣咗好多,加上近兩仗聯賽輸波,為搶分護級,對住近4場聯賽全開兩球或以下嘅「紅軍」,一定繼續龜縮,2.5球入球細有買趁早。

足球推荐网为广大球迷朋友们提供该场赛事的基本面解读、近期战况、综合分析、赛事推荐等信息。找全方位的足球信息服务,上足球推荐网!

为您推荐

发表评论

联系我们

联系我们

在线咨询: QQ交谈

邮箱: 1821497181@qq.com

工作时间:周一至周五,10:00-18:30,节假日休息
返回顶部