艾爾切防守懶懶閒
力追榜首馬德里體育會嘅巴塞隆拿，今晚西甲作客升班球隊艾爾切。巴塞雖然失落西超盃，更有球王美斯要停賽，但「地上最強」喺聯賽已經上力，近4場作客聯賽全勝兼半場領先對手；艾爾切實力曳之餘防守更懶懶閒，推介半場客勝。（Now 632及611周日晚11時15分直播）
美斯缺陣仲有大把炮台
阿根廷球王美斯喺西超盃決賽揮拳打向畢爾包嘅維拿利巴，領紅牌被逐，被西班牙足總判罰停兩場，包括上周中西班牙盃對哥尼拿及今場聯賽。雖然美斯仍然係巴塞進攻主力，但佢今夏離隊已經係不爭事實，球隊早已作出相應準備，因此美斯停賽對巴塞部署唔會有太大影響。
巴塞上周中西盃同丙組仔哥尼拿踢到加時先晉級，今場鬥艾爾切唔會再咁樣衰，事實上佢哋除咗美斯，今季仲有好多炮台，基沙文、巴夫韋迪、柏迪，甚至法蘭基迪莊都入到波，要喺上半場攻陷弱旅艾爾切綽綽有餘。
現時排降班區第18位嘅艾爾切，本身實力已經唔高，最慘係連防守亦唔積極，有統計指佢哋係歐洲5大聯賽高位逼搶力最低嘅球隊，稱得上任人魚肉。艾爾切近10場賽事7次半場落後，遇着鍾意作客一開波就發力嘅巴塞，凶多吉少，半場客勝好路。
足球推荐网为广大球迷朋友们提供该场赛事的基本面解读、近期战况、综合分析、赛事推荐等信息。找全方位的足球信息服务，上足球推荐网！
