英足盃第4圈星期日晚大戰，英冠球隊賓福特主場迎戰英超勁旅李斯特城，雖然今場係「越級挑戰」，不過賓福特今季喺盃賽戰績相當彪炳，尤其在主場出擊氣勢強勁，英聯盃亦曾連斬數支英超球隊，實力絕對不容忽視；李斯特城實力同狀態俱佳，但球隊爭奪盃賽決心成疑，賽前更有占美華迪做手術不利消息，今仗隨時遇滑鐵盧，捧賓福特主勝好路。（無綫85台周日晚10時30分直播）
賓福特上季喺升班附加賽飲恨，未能升上英超，不過今季仍然保持極高戰鬥力，目前喺英冠排名第3位，而且陣中有唔少頂級戰將，門將大衞拉耶、前鋒艾雲東尼同幾位丹麥國腳都係好波之人。雖然艾雲東尼同祖舒亞達施華停賽，但球隊近況相當勇猛，近7場賽事取得6勝。
賓福特今季踢盃賽表現突出，英聯盃殺入4強先輸畀熱刺，過程中先後淘汰修咸頓、西布朗、富咸同紐卡素4支英超球隊，而且今季喺本土盃賽4次主場出擊，拎到3勝1和不敗成績，主場作戰下有力製造冷門賽果。
李城專注聯賽多過爭盃
李斯特城目前位於英超「爭冠集團」，不過前列形勢極度緊湊，李斯特城無論要爭冠或保住前4，都必定要專注喺聯賽之上，何況王牌前鋒占美華迪今仗賽前宣布做手術，要缺陣幾個星期，英足盃未必係李斯特城嘅目標，佢哋季初喺英聯盃亦係「一輪遊」。李城戰意成疑下，賓福特主W更加值博。
足球推荐网为广大球迷朋友们提供该场赛事的基本面解读、近期战况、综合分析、赛事推荐等信息。找全方位的足球信息服务，上足球推荐网！
