啞火殘陣穩為先
周三澳職獨腳戲上演榜尾大戰，包尾大幡墨爾本勝利主場鬥尾2嘅威靈頓鳳凰，季前大事增兵嘅勝利演出差強人意，開季7戰僅得1勝1和5負，不過鳳凰近況亦唔好得幾多，加上一對前鋒蘇迪里奧及大衞波爾因傷停問題均缺陣，想搶攻亦唔容易；勝利今季7場聯賽有6次開半場和，不妨再追多次。
（周三下午4時05分開賽）
上季失落季後賽資格嘅老牌勁旅墨爾本勝利今季大換血，新兵基斯泰迪、賓科拿美、卡林麥馬拿文及積及畢打菲特都有英超或英冠經驗，論卡士毋庸置疑，不過佢哋大部分時間都係各自為戰，整體發揮一般，開季7場聯賽只贏過一場，其中最近2場都冇入波，攻力達唔到應有期望。
勝利今季入局慢
鳳凰今季7場聯賽得5分，成績比勝利好少少，而且佢哋開季7場只有1場冇波入，進攻上亦比勝利有優勢，不過前鋒大衞波爾今仗繼續坐波監，另外兩名前鋒蘇迪里奧及希密特亦因傷倦勤，進攻火力恐會打折扣，加上正選中堅迪維利膝部重創需要做手術，預計至少要抖10個禮拜，對後防料有一定影響；鳳凰今季7場聯賽場場有失波，為免失先機，作客相信亦唔敢過分搶攻。
兩軍近況同樣低沉，勝負難料，加上最近15次交鋒各贏5次，其餘5次打成平手，往績亦難分高下，勝利今季7場聯賽有6次開半場和，入局較慢，預計今場亦唔例外，首選半場和。
足球推荐网为广大球迷朋友们提供该场赛事的基本面解读、近期战况、综合分析、赛事推荐等信息。找全方位的足球信息服务，上足球推荐网！
