足球推荐网为广大球迷朋友们提供该场赛事的指数分析、实力对比、赛事预测等信息。找全方位的足球信息服务，上足球推荐网！
冤家鬥攻例多波入
西甲豪門巴塞隆拿主場迎戰貝迪斯，巴塞隆拿今季水準飄忽，防線甚為不穩，近4場聯賽都有失波。不過，呢支「地上最強」攻力始終有保證，特別係新星安素法迪頻頻建功，充滿活力。貝迪斯有前冇後，以往對住巴塞，都無懼同對手鬥攻，雙方近5次聯賽交鋒，總入球都達4球或以上，首選中位數3.5球嘅入球大。
（Now 632及611周六晚上11時15分直播）
迪莊串演中堅危危乎
巴塞隆拿今季經歷巨變，包括換帥由朗奴高文執教，會長巴度美奧早前更加辭職，並盛傳球會陷入財困，難免影響軍心，球隊近4場聯賽都不勝。不過，巴塞人腳質素仍然屬於西甲數一數二，18歲新星安素法迪今季聯賽已經有4球進帳，成為進攻新重心。雖然球王美斯、前鋒基沙文表現一般，但佢哋具備一定級數，一旦發威，對手難以阻擋。
不過，巴塞防線比較令人擔心，碧基已經33歲，無復當年之勇。基文迪朗格勒有傷在身，上場歐聯更加要用防中法蘭基迪莊客串中堅，就算基文迪朗格勒今場勉強上陣，恐怕亦靠唔住。
貝迪斯上場以3比1擊敗艾爾切，但近3場失咗6球，防線無法令人安心。事實上，貝迪斯今季8場西甲入咗10球，亦失咗12球，名副其實係有前冇後。睇番貝迪斯近4次對巴塞隆拿，都可以取得入球，合共轟入巴塞9球，所以今場都唔一定捱打，隨時又合演入球騷。
