足球推荐网为广大球迷朋友们提供该场赛事的指数分析、实力对比、赛事预测等信息。找全方位的足球信息服务，上足球推荐网！
今晚日乙快車，榜首德島漩渦主場鬥4哥北九州向日葵。聯賽嚟到最後直路，漩渦以4分拋離次席福岡黃蜂，為保優勢目標明確；向日葵整體實力雖唔弱，但近況平平，捧漩渦主勝為妙。
（周三晚6時開賽）
德島漩渦同福岡黃蜂由季中開始喺榜首纏鬥，漩渦近期終於擺脫黃蜂領導群雄，今季日乙冠軍在望，自然唔想過終點前先嚟脫腳。今季日乙多隊中過「榜首魔咒」，唯獨漩渦喺11月重上榜首後迅速企穩陣腳，近8仗豪取7勝1負佳績，鞏固1哥地位。中場西谷和希連續2仗有士哥，前鋒垣田裕暉上仗對金澤薩維根亦梅開二度，球隊近2仗轟入7球，攻力有保證。
向日葵近況麻麻
向日葵雖然亦曾一度進佔榜首，但9月時經歷9場不勝困局，排名拾級而下，失分太多搞到依家升班無望。佢哋近3仗全部打和，對手只係岡山綠雉、水戶蜀葵及FC琉球等中下游分子，狀態明顯一般，加上近9仗作客僅得1勝3和5負，同質高態勇嘅漩渦相去甚遠，主勝要捧。
