足球推荐网为广大球迷朋友们提供该场赛事的指数分析、实力对比、赛事预测等信息。找全方位的足球信息服务，上足球推荐网！
修咸頓踩多腳送阿迪達一程
近期陷入危機嘅阿仙奴，今晚主場迎戰修咸頓。「兵工廠」今季入球能力薄弱，面對反擊力強球隊往往吃盡苦頭，今場對手修咸頓最煞食正正係快速反擊，阿仙奴將帥不和士氣跌至谷底，今場隨時再輸送主帥阿迪達一程，博客勝。
（Now 622周四凌晨2時直播）
阿仙奴今季成績差劣，聯賽主場錄得4連敗，佢哋最大問題係創造力不足，經常空有控球權而無實際威脅，面對對手快速反擊更一籌莫展，今季對李斯特城及熱刺都係輸呢瓣。「兵工廠」除中場湯馬士柏迪仍因傷缺陣外，格列沙加上場郁手被逐，今場要停賽，加上王牌奧巴美揚陷入球荒，主場惡唔出樣。
目前喺聯賽名列前茅嘅修咸頓作客演出對辦，近5場聯賽作客獲3勝2和不敗佳績，當中對車路士同狼隊都唔使輸，面對般尼、阿士東維拉及白禮頓等同級對手應贏則贏，夠晒穩定。「聖人」一眾鋒將如丹尼艾格斯、禾確特及列特文等均擅長打反擊，隨時食住阿仙奴嘅控球戰術，今場有力反客為主，一於要客勝。
