足球推荐网为广大球迷朋友们提供该场赛事的指数分析、实力对比、赛事预测等信息。找全方位的足球信息服务，上足球推荐网！
今晚英超大战，车路士坐镇史丹福桥迎战纽卡素。大打青春风暴嘅「车仔」表现渐入佳境，其中头号射手谭美阿巴谦同中场新星美臣蒙特成功上位，加上佢哋近年对住「喜鹊」佔尽上风，今场有望再趁主场之利全取3分，上盘好路。
（Now 621周六晚10时直播）
车路士名宿林柏特上任后，「限米煮限饭」下大胆起用多位年轻球员，收到意想不到效果，除上季跟随佢喺打比郡征战英冠嘅美臣蒙特外，近年不断沦为「人球」嘅前锋谭美阿巴谦，亦获上位机会，两位后生仔亦冇辜负「林伯」信任，频频交出高水准表现，刚啱嘅国际赛档期仲双双获英格兰国家队青睐，披上「三狮战袍」，当中谭美阿巴谦今季联赛已轰入8粒，同曼城阿路古并列榜首，配合佐真奴费路同巴克里等人，锋力唔係讲笑。
纽卡素近4作客吞3败
纽卡素上仗爆冷赢曼联踢出士气一役，其中小将马菲朗达夫横空降世，同阿哥桑恩朗达夫组成嘅中场线活力十足，可算係令「喜鹊」球迷喜出望外。可惜佢哋整体质素依然欠奉，尤其近4仗作客惨吞3败，抢分能力一般。况且车路士近7次主场对纽卡素全胜，未踢个势都赢晒，加埋挟各项赛事4连捷嘅勇态，让球半／两球唔怕辣，照跟上盘。
